手編鞋仔

    見我編鞋仔都估到係咪事啦........在幾個星期之前，跟個朋友學編衫仔，聽落去真係好難嘅呀，睇圖就更難。對編嘢冇咩要求嘅我來講，反正學到一兩種花款就滿足啦。於是就學編鞋仔先，原來都好難上手的，整咗好幾對先有對似樣啲嘅走出嚟。開頭編果時都可似上咗穩咁，編到好宴都唔想去訓，真係金睛火眼咁編呀編呀。

     放咗三日假期，完全冇睇過新聞。今日一返到公司online時就有人同我講，新i_phone出咗啦，而且係超平，比之前預定的要平一半。聽咗之後非常揼心，我等佢出3G等咗好耐都係冇消息，後來聽人講就算出3G可能都要七千以上的價錢，咁貴法，我都係買番其他牌子就算。果個i_phone竟然等我買咗其他機，佢就出爐，仲要係又平又靚添。激死我啦。我就再等，等你跌到二千都唔值先買你............

時事新聞

呢幾日天災人禍特別多。中國多個省市連日下大雪，令到離鄉工作的打工仔，未能赶在新年假期中回家團聚，有家歸不得。這個五十年來最大的一場雪災不知傷了多少的心呢？香港這邊還在熱爆播道著藝人被up上網的不雅照片，連上了幾日的港聞頭版，今日聽到捉到一個（疑犯?），不能保釋，要監到三月先審，睇怕呢件事都有排係港聞的頭版了。前幾日我的腳被壓倒，（腳止公）的位置腫脹發黑，變了一粒大粟子、睇左兩次跌打，行路一歪一斜的，就這樣捱著這幾日的壞天氣。

天啊.我只想個經濟快些好回來，股市不再玩過山車，雪有咁遠吹咁遠，吹到北極、南極也好，新年快到啦，人人有人工加。

食大左

這餐晚飯真係食左我整個星期所有的脂肪，因為太多工作做了，唯有大吃大喝才能放鬆心情，希望這個是藉口吧，如果唔係，每月總有幾日係特別忙的，又這樣吃，好快就變面包超人........新年打算去行山，這個主意真係唔錯，不過唔知到時有冇人會去呢？

中奬

每蓬到中午3至4點的時候都會好眼訓，今日豫其是，好眼訓=.=.......又在公司等緊穚，而家係蛇黃中。上幾排開左個投注戶口，未試過在網上投注的我非常好彩，買一注竟然中左20蚊啊。
唔知係咪好多人第一次賭，都係會中奬先嘅哩？再係咁中奬下去，睇怕我好快就會變富翁yoo〝。〞

360

本來今日放下半晝諗住去東涌，約左個friend參觀佢間豪宅(對我來說），但結果去左昂坪，，坐果部多次出大大件事嘅危險纜車來說，本來就冇咩信心，但之前咁多大官貴臣坐過都冇事，我唔會咁黑仔掛？＄88來回票，凈係坐一程（大約25分鐘）可以觀賞到靚風景嘅旅程，都值回票價啦。

工程進行中

嘩，原來自己有一個多月沒寫blog啦。不是沒事情發生，而是太多了。
轉了新工作以後，第一時間是要搞清楚整本書的版面格式。（公司的designer是part_time每天3小時就走人，不過真的感激不盡)
餘下的（殘局），當然係我來收拾啦。盲盲撞撞都算出了一本月刊來。一個月就在學習中過去了，新的問題又剎到來，公司那部G3mac機，終於捱不住（百“機”緾身的負荷，跪倒了）。於是那段時間就忙於找新機，對於公司眾電腦白痴者來說（我也算是其中一個），找一部適合工作，技術上安裝都能應付的,實在有難度。好不容易買了一部G5mac＿pro回來，又是盲盲摸摸地安裝了所有應用軟件（其中IT上門了一次），那段時間頻頻找朋友或上網搵軟件下載，單是書內的香港字體都煩了幾天。現在忙的是重新整理版蕊，工程都有排煩。

乘叮叮車

中午與朋友食飯後，不知去哪裡好，無聊之際最好係做無聊的事，乘叮叮去總站（上環）。

歌劇《吉賽爾》

生日過後又做了一件絕對正確的事（我認為），購買左歌劇《吉賽爾》的門票。上一次表演時没看到，今次就不能再錯過了,《吉賽爾》是十九世紀浪漫主義時期的經典芭蕾舞劇（I like）．故事講述農村少女吉賽爾與喬裝農夫的伯爵亞爾巴特墮入愛河，可是亞爾巴特的貴族身份最終被揭破，不久吉賽爾更得知他已另有婚約，可憐吉賽爾在不堪愛人負情的打擊下，發狂心碎而死。
午夜時分，亞爾巴特滿懷內疚到伊人的墳前致祭，在林中被一群在婚前死去的女幽靈纏繞，引誘他不停跳舞至倦極而死，幸得痴情的吉賽爾幽靈出現，與他共舞至破曉，直到女幽靈的法力消失，一對愛人哀傷分手，伊人從此永陷墓中。
好感人的故事啊!

9.28

踏入2007年9月28日又是大一歲的開始，生日對於一個天秤座的人來說，吃喝玩樂都會是必然的事啦。來緊的一年有甚麼大計呢？不要說了，怕說了以後做不了，那就太難看。
現在擁有的，那是我所付出過的一切。要是這樣，2008年要繼續努力，才能擁有更多.....
剛做了一件絕對係今歲最正確的事，替自己和家人選擇了一份全身檢查，預防勝於治療，家人的健康有了保障，我就可以安心了（是否有些挎張）
如果生日日是每個人都會開心的日子，那我的開心日子也給大家分享一點點啦！

新商場

係未好美麗哩？遲些這地方會孌成點?大概會變到同香港各個地方差唔多,周圍都是高樓滿目

my tee

個衣架好唔稱，但係屋企真係好難搵到個啱心意嘅衣架哩。睇住先啦